نیت بےنقاب 24

امجد بٹ اندر گیا گھر والوں سے سلام دعا کی۔ ابھی بیٹھا جوس پی رہا تھا کہ چوکیدار پریشان بھاگتا ہوا آیا کہ کوئی دو عورتیں آپ کی گاڑی کو اسٹارٹ کر کے لے گئی ہیں۔ اس کے ہاتھ سے کلاس گر گیا۔ نیلم نے جھٹ پولیس کو فون کر دیا۔ اور ساتھ ہی احد کو ملانے لگی۔ اور جلدی جلدی تفصیل بتانے لگی۔ اس نے کہا کہ وہ گھر ہی آ رہا تھا میں نے اپنے دوست اے ایس پی علی کو بھی فون کر دیا ہے وہ بھی آ رہا ہے سنو نیلو آپی امجد بٹ اور اس کی بیٹی کو گھر سے جانے نہ دینا۔ ان پر ظاہر نہ کرنا باقی آ کر بتاوں گا۔ اس نے کچھ سوچتے ہوئے کہا کہ احد آ رہا ہے وہ کہہ رہا ہے اس کے ساتھ ہی جانا۔ پھر وہ شوہر کو سرگوشی میں فون کا بتانے لگی۔ وہ حیران ہوا بولا اچھا میں نظر رکھتا ہوں۔ پھر وہ باپ کے پاس گئی ان کو بھی بتایا وہ بولے مجھے احد نے سب بتا دیا ہے۔ جو چیک ان لوگوں نے سلامی میں دیا تھا وہ نقلی تھا پھر اس نے نکاح نامہ چیک کروایا وہ بھی نقلی ہے۔ اس نے اپنے دوست اے۔ ایس۔ پی علی کو سب بتا دیا ہے لگتا ہے بچہ بھی نقلی ہے۔ مگر تمھاری ماں بچے کو جدا نہیں کرنا چاہتی۔ اس سے بہت پیار کرنے لگی ہے۔ اب وہ اس کے بغیر نہیں رہ سکتی۔ دونوں باپ بیٹی کو خبر نہ ہو۔ سجل اور اس کی ماں غائب ہیں پر سجل گاڑی کیسے چلا رہی ہے۔ احد کی ماں پھر زور سے روتے ہوئے چلائی کہ ہاے میرا پوتا۔ نیلم اور اس کے باپ نے تسلی دی فکر نہ کرو زیادہ دور نہیں گئی ہوں گی جلد پکڑی جائیں گی۔

امجد بٹ نے جب بچے کے غائب ہونے کا سنا تو احد کی بیوی سے کہا کہ تم نے یہ کیا کر دیا اچھا خاصہ فاہدہ ملنا تھا۔ وہ سوری سوری کرنے لگی۔ وہ بولا اب تم بچے کے غم میں بیمار بن کر لیٹ جاو۔ زیادہ بولو بھی نہیں جیسے غم سے نڈھال ہو۔ پھر وہ نیلم کے پاس آیا اور بولا بیٹا۔ میری بیٹی بچے کے غم میں نڈھال ہے اسے جا کر تسلی دے دو۔۔ نیلم بولی آپ فکر نہ کریں میں جا کر دیکھتی ہوں۔ آپ میرے شوہر کے پاس جاکر بیٹھیں۔ پھر وہ اس کے کمرے میں داخل ہو کر اسے جھوٹی تسلیاں دینے لگی۔ اور اسے ہدایت کی کہ وہ بس آرام کرے اور لیٹی رہے۔ پھر اس کے کمرے کا دروازہ باہر سے آہستہ سے لاک کر دیا۔

احد کی بیوی نیلم کے کمرے سے نکلتے ہی بڑبڑائی کہ یہ کمبخت لالچی انسان آرام بھی نہیں کرنے دیتا۔۔ چلو اس بہانے آرام تو کر لوں گی اور وہ آنکھیں موند کر لیٹ گئی۔

احد کے پہنچتے ہی نیلم کی بلائی ہوئی پولیس آ چکی تھی اور وہ سب نکل پڑے۔