ہائے وہ میرا گھر 1

ہائے وہ میرا گھرہیر ابھی ابھی تھک کر ذرا لیٹی ہی تھی کہ سامنے دیوار پر لگی اپنی اور اپنے شوہر کی فوٹو دیکھ کر وہ سوچنے لگی کہ اپنے سے دس بارہ سال بڑے اور عام سے شکل وصورت والے شخص کے پیار میں وہ کس قدر پاگل ہو گئی تھی کہ اپنی باجی فجر کے لاکھ سمجھانے پر بھی وہ ٹس سے مس نہ ہوئی اور اپنے شوہر اجمل کو کسی نہ کسی طرح اموشنل بلیک میل کر کے کورٹ میں جا کر نکاح کرلیا۔ ہیر کی بڑی بیٹی نے ماں کے کمرے میں جھانکا اور ماں کو جاگتا دیکھ کر بولی،"ماما آپ جاگ گئی ہیں چائے بنانے لگی تھی دادو مانگ رہی ہیں، میں آپ کے لیے بھی بنا لاتی ہوں۔"ہیر اس کے جانے کے بعد سوچنے لگی وہ سوئی ہی کب تھی بس اپنے ماضی میں کھو گئی تھی۔ ہیر سوچنے لگی کہ وہ اپنے کالج کی سب سے زیادہ ہونہار طلبہ تھی۔ اس پر وہ حسین بھی بہت تھی۔ اس میں غرور کوٹ کوٹ کر بھرا ہوا تھا ۔ کالج کے بہت سے لڑکے اس کے حسن کے دیوانے تھے اور اس سے دوستی کے خواہاں تھے مگر وہ کسی کو بھی گھاس نہ ڈالتی تھی۔ اس نے تو دوستی بھی ایک دو لڑکیوں سے کر رکھی تھی۔ باقی ل...