ہائے وہ میرا گھر 3

تیسرا حصہ - 3rd Partہیر کی دونوں بیٹیاں اپنی ماں کے پاس بیٹھی گپ شپ کر رہی تھیں۔ چھوٹی بیٹی نے ماں سے اکتائے ہوئے لہجے میں کہا،"اف توبہ! شکر ہے مہمان آخر رخصت ہوئے۔ اب ہم بھی زرا سکون سے بیٹھ سکتے ہیں ۔ سارا دن ان کی خدمتوں میں گزار دو اور ساتھ دادی کے کوسنے بھی برداشت کرو۔ پھوپھو کی بیٹی کو مجال ہے جو کچھ بولیں ، کتنے فیشن کرتی ہے۔ بال ہر وقت کھلے رکھتی ہے سر پر کھبی دوپٹہ نہیں اوڑھتی۔ میک اپ ہر وقت تھوپا ہوتا ہے ایک ہم سر دھو کر بال سکھانے کیلئے کھول لیں تو دادی کی سو باتیں سننی پڑتی ہیں۔ پھوپھو اور تایا کی فیملی سب ملکرسیر پر چل پڑتے ہیں مگر ہمیں دادا دادی کی خدمات کیلئے چھوڑ جاتے ہیں۔ ساتھ لے جانے کیلئے انہیں ڈھیر سارا کھانا پکا کر بھی دینا پڑتا ہے۔ پھر بھی تعریف کے دو بول نہیں بول سکتے الٹا نقص نکالتے رہتے ہیں۔ ماما انہیں کچھ بولنے بھی نہیں دیتی ہیں۔ اتنا عرصہ ان لوگوں کی غلامی کر کے کیا ملا۔ اب سیدھا ہونا پڑے گا ویسے زیادہ سے زیادہ بدتمیز ہی کہیں گے نا۔ ان کی اپنی نواسی بہت بدتمیز ...