میری معصوم کلی 11

گیارہواں حصہ - 11th Part

ہما کی نند، ہما کے جانے کے بعد اداس ہو گئی۔ اسے باپ کی یاد آ گئی۔ اس نے باپ سے فون پر معافی مانگ لی اور گھر آنے کی اجازت مانگی تو اس کے باپ نے کہا 

"وہ ہمیشہ تمھاری اور تمہاری ماں کی باتیں مانتا رہا اور بیٹے کی طرف توجہ نہ دی اب میں اس کے خلاف جا کر نہیں مل سکتا۔ میں تم سے اب کھبی نہیں ملوں گا نہ ہی مجھے اب فون کرنا۔ میں نے تمہیں معاف کر دیا ہے۔ بس ہما کبھی کبھی تم سے مل لیا کرے گی۔ یہ بھی تمہارے بھائی کی مہربانی ہے جو تمہاری ماں کی زیادتیوں کے باوجود ہما کو تم سے ملنے بھیج دیا۔ وہ تمھارا دل سے بھلا چاہتا تھا۔ تم سے پیار بھی کرتا تھا۔ تمھارے اس اقدام کے بعد اب وہ تم سے نفرت کرے تو حق بجانب ہے۔ اب تم اپنی دنیا میں خوش رہو۔ توبہ تائف کرو اپنی ماں کی مغفرت کی دعا کرو۔ میری آنکھوں پر اس بری عورت کی محبت کی پٹی بندھی تھی جو ایسی سیاست کرتی تھی کہ سانپ بھی مر جائے اور لاٹھی بھی نہ ٹوٹے۔ اب مجھے اس کی ساری باتیں سمجھ میں آ رہی ہیں۔ میں اپنے رب تعالیٰ سے دعا کرتا ہوں کہ اس کے کیے کی سزا میری بچی کو نہ ملے۔ میں نے اسے معاف کیا رب بھی اسے معاف کرے"

"آمین ثم آمین" 

جھٹ ہما کی نند نے جواب دیا اور روتے ہوئے کہا 

"مجھے بھائی کے ساتھ ہونے والی زیادتیوں کا اب شادی کے بعد احساس ہوا ہے کہ میں خود ماں بننے والی ہوں۔ اور میرا بچہ ننھیال، ددھیال کے پیار اور توجہ کے بغیر پلے گا۔ بیٹیاں والدین کے گھر سے ان کی دعاؤں کے سائے میں رخصت ہو کر اپنا مقام پاتی ہیں۔ مجھے اب کسی چیز کی کمی نہیں ہے۔ شوہر کا پیار بھی حاصل ہے مگر اس کا پیار پانے کے لئے مجھے اپنوں کے پیار کی قربانی دینی پڑی ہے۔ شادی کے بعد عورت کو خاندان کی ضرورت ہوتی ہے یوں لاوارثوں کی طرح سنہری پنجرے میں قیدی جیسی زندگی لگتی ہے۔ اب تو نہ گھومنے پھرنے کا اور نہ ہی شاپنگ کرنے کا دل کرتا ہے۔ بس آپ میرے لیے دعا کریں کہ اللہُ تعالیٰ میری ماں کی مغفرت فرمائے اور مجھے بھی معاف کر دے۔"

باپ نے ڈھیروں دعائیں دیں اور دونوں نے روتے ہوئے فون بند کر دیا۔

ہما کی نند بیٹھی شوہر کا انتظار کر رہی تھی وہ آیا تو اس نے آتے ہی پوچھا 

"ڈاکٹر کے کلینک گئی تھی چیک اپ کروانے" 

وہ ہنسنے لگی 

"آپ میری اتنی فکر نہ کیا کریں آپ ہیں نہ میرے پاس۔" 

وہ نظریں چراتے ہوئے بولا 

"یہی تو فکر ہے کہ میں کچھ ٹائم کے لیے میں جا رہا ہوں۔"

"کک کیا مطلب" 

اس نے ہکلاتے ہوئے پوچھا تو اس نے کہا کہ وہ اس سے آج کچھ نہیں چھپائے گا۔ اس نے بتایا کہ جب اس نے اسے پہلی بار دیکھا تو فیصلہ کر لیا کہ وہ اس سے ہی شادی کرے گا اس نے والدین سے بات کی تو انہوں نے انتہائی ایکشن لیا اور اسے خاندان میں لڑکی پسند کرنے کا اور اس کی جلد شادی کرنے کا فیصلہ کر لیا۔ میں نے بہت احتجاج کیا مگر باپ نے اپنے ساتھ مجھے بھی گولی مارنے اور ماں کو بھی مارنے کی دھمکی دے دی۔ میں نے بھی ضد میں سب سے کم پڑھی اور گاوں کی لڑکی کا انتخاب کیا۔ گھر والے سٹپٹائے مگر باپ نے فیصلہ دے دیا اور آناً فاناً میری دھوم دھام سے شادی کر دی۔

"کک کیا مطلب" 

وہ ہزیانی ہو کر چیخی 

'تم نے میرے ساتھ دھوکہ کیا۔ شادی شدہ ہو کر مجھ سے کنوارے بن کر ملتے رہے۔ ڈیڈھ سال سے مجھے مسلسل پیار کا چکر چلاتے رہے اب تک تو کوئی بچہ بھی ہو چکا ہو گا۔"

وہ سر جھکا کر بولا 

"ایک بیٹا بھی ہے۔" 

"کیا کیا یعنی میں ایک شادی شدہ اور ایک بیٹے کے باپ کی دوسری بیوی ہوں۔ مجھ میں کیا کمی تھی میں خوبصورت اعلیٰ تعلیم یافتہ تھی۔ مجھے تو کوئی کنوارہ آرام سے مل سکتا تھا۔ میں تو کسی شادی شدہ مرد سے دوسری شادی کا سوچ بھی نہیں سکتی تھی۔ کسی عورت کا گھر اجاڑنا اس کے شوہر کو اپنا بنا کر اس کے حق پر ڈاکہ ڈالنا۔ مجھے کسی دوسرے کے شوہر کو اپنا بنانا کھبی گوارا نہ تھا تم اگر ایک بار بھی بتاتے تو میں تمہیں چھوڑ دیتی۔ تم نے مجھے بتایا کیوں نہیں۔" 

وہ اسے مارنے پیٹنے لگی اپنے بال نوچنے لگی اور روتے ہوئے بولی 

"اگر مجھے کچھ ہو گیا تو کیا میرا بچہ بھی میرے بھائی کی طرح مظلومیت میں پلے گا، اس کی سوتیلی ماں اس پر ظلم کرے گی اس کے اپنے بچے راج کریں گے۔" 

وہ اسے سنبھالنے لگا اور بولا 

"تمہیں کچھ نہیں ہو گا میں نے تمہیں اس لیے نہیں بتایا تھا کہ میں تم سے پیار کرتا تھا اور تمہیں کھونے سے ڈرتا تھا۔ اس لیے نہ بتایا تمھارا مزاج سمجھتا تھا کہ تم شراکت برداشت نہیں کرو گی۔"

وہ چلا کر بولی 

"تمہیں مجھ سے کوئی پیار ویار نہیں ہے بس تم صرف میری خوبصورتی کے پیچھے مرتے ہو۔ اگر اتنا ہی سچا پیار ہے تو میں بھی تمھاری بیوی ہوں۔ میرا اور میرے بچے کا بھی تم پر اتنا ہی حق ہے۔ میں اپنا حق لے کر رہوں گی۔ اگر میرے گھر والوں کو پتا ہوتا تو وہ کھبی تمہیں رشتہ نہ دیتے۔ ہم خاندانی لوگ ہیں۔"

وہ بولا 

"میں نے تمہیں دھوکہ نہیں دیا۔ میں نے تمھارے بھائی کو یہ بتایا تھا کہ میں خاندان میں شادی کروں گا کیونکہ میرے والدین نہیں مان رہے ہیں اور میں تم سے پیار کرتا ہوں اور ہمیشہ اس شادی کو نبھاؤں گا مگر خفیہ رکھوں گا اور کسی چیز کی کمی نہیں ہونے دوں گا مگر وہ اس بات پر نہ مانا اور بے عزت کر کے فون بند کر دیا۔"

وہ بولی 

"میرا بھائی میرا بھلا چاہتا تھا نا۔" 

اس کے دل میں بھائی کے لیے بے پناہ پیار بھر آیا۔ وہ روتے ہوئے بولی 

"تم نے سوچا ہو گا کہ میں اس خوبصورت لڑکی کو ایک سائیڈ پر رکھیل بنا کر رکھوں گا جو پوری طرح میرے دامن الفت میں گرفتار ہے۔ اس کے پچھلے بھی اس سے ناراض ہیں۔ اس کو پابند کرنے کے لیے نکاح کا ایک کاغذ دے کر زندگی کی آسائشیں دے کر بہلا لوں گا تو یہ تمہاری بھول ہے۔ میں اپنا اور بچے کا حق نہیں چھوڑوں گی۔ تمھارے گھر والوں کو سب بتا دوں گی۔ میں بچے کا جائیداد میں سے حصہ بھی لوں گی۔ میں چپ نہیں بیٹھوں گی۔ تم اپنے پلان میں فیل ہو گئے ہو بس بچہ ہو جائے پھر دیکھنا میں کیا کیا کرتی ہوں۔"

جاری ہے۔ 

دعاگو راہٹر عابدہ زی شیریں

پلیز لائک، شئیر اور کمنٹ کرنا نہ بھولیں۔ شکریہ۔

جزاک اللہ۔