میری معصوم کلی 21

اکیسواں حصہ - 21st Part

گھر میں نرگس لوگوں کی آمد کی تیاریاں زور و شور سے ہو رہی تھی۔ ساجد نے عروبہ کو سمجھا سمجھا کر اس کی جان کھا لی تھی کہ یہ تمہارے پاس پہلا اور آخری موقع ہے، ان لوگوں کو امپریس کرنے کا۔ سعد اور تمھاری آنی بھی ان کے آگے مجبور ہیں، کوئی زرا سی بھی بھول چوک نہ کرنا۔ نرگس آپا کی ساس ابھی پوری طرح مانی نہیں ہے۔ تم نے اب اسے ماننے پر مجبور کرنا ہے اپنے behavior سے۔

ہما نے اس کا شلوار قمیض استری کر کے اس کے کمرے میں رکھ دیا تھا اور ہما اسے تیار ہونے کا بول رہی تھی۔ مگر وہ جوش میں ہاف بازو ٹی شرٹ اور گھٹنوں سے زرا نیچے ٹراوزر پہنے پانی کا پائپ ہاتھ میں لے باہر گیراج دھو رہی تھی۔ ہما کچن میں تھی اور نتاشا واش روم میں تھی۔ ساجد بازار سے دہی لینے گیا ہوا تھا۔

ہما کچن سے عروبہ پر چلا رہی تھی کہ جاؤ جا کر لباس بدلو وہ لوگ آ نہ جائیں۔ عروبہ نے اونچی آواز میں جواب دیا 

"موم آنی جو صبح سے فون پر پل پل بتا رہی ہیں وہ کہہ رہی تھی کہ نکلتے وقت فون کر دوں گی۔ ادھر وہ فون کریں گی ادھر میں واش روم گھس جاؤں گی۔ ان کے آنے تک میں بلکل ریڈی ہو جاؤں گی آپ فکر نہ کریں۔"

ہما نے فکرمندی سے کہا 

"کافی دیر ہو چکی ہے اب تو ان لوگوں کو نکلنا چاہیے۔ تم زرا آنی کو فون کرو" 

وہ بولی 

"بس تھوڑا سا رہ گیا ہے ابھی کرتی ہوں۔"

اتنے میں ڈور بیل بجی تو ہما نے آواز لگائی 

"عروبہ دروازہ کھولو تمھارے پاپا آئے ہوں گے۔"

اس نے جوں ہی دروازہ کھولا سامنے نرگس ساس کو تھامے اندر داخل ہوئی۔ عروبہ نے دیکھا تو حواس باختہ ہو گئی اور گھبرا کر پائپ کا رخ ان کی جانب کر دیا وہ بھیگنے لگیں سعد نے چیخ کر اس کے ہاتھ سے پائپ لیا اور اسے چلا کر بولا 

"یہ کیا کر رہی ہو" 

ساجد بھی پہنچ چکا تھا اور عروبہ کا یہ منظر دیکھ چکا تھا شور سے ہما بھی آ چکی تھی اور عروبہ کی حرکت پر سخت شرمندہ اور خجل تھی۔ عروبہ پاہپ پھینک کر بھاگ چکی تھی۔ ہما نے اپنے حواس قابو میں کیے اور آگے بڑھ کر انہیں سلام کے بعد معزرت کی اور نرگس کی ساس کا ہاتھ پکڑ کر اپنے کمرے میں لے آئی۔ نرگس اور اس کی ساس کے کپڑے جوتے بری طرح بھیگ چکے تھے۔ ہما نے جلدی سے اپنے کپڑے نکال کر ان کو چینج کروائے۔ اپنے جوتے ان کو دیے۔ ان کے جوتے سوکھنے ٹیڑھے کر کے رکھے پھر نرگس کو بھی اپنے کپڑے جوتے دیے۔ اتفاق سے دونوں نیو سوٹ تھے جو ساجد ہما اور نتاشا کے گاؤں جانے کے لیے لایا تھا۔ جوتے البتہ پرانے تھے۔

ہما نے ان کو تکیہ پیچھے رکھ کر بیڈ پر آرام سے بٹھایا۔ نرگس بھی ساس سسر سے سخت شرمندہ ہو رہی تھی، ان سے نظریں نہیں ملا پا رہی تھی وہ بھی کپڑے بدل کر ساس کے پاس بیٹھ گئی، شرم سے اس کی زبان گنگ ہو چکی تھی۔

ہما معزرت کرنے لگی۔ ساس جواب میں کچھ نہ بولی، منہ ادھر کر لیا۔ ہما چائے کا بتا کر اٹھ گئی۔

ہما کے جاتے ہی، نرگس کی ساس نے نرگس کی کلاس لینی شروع کر دی۔ 

"یہی کڑی تھی جس کا تو بتا رہی تھی یہ پاکستانی انگریزنی۔ توبہ توبہ نہ شرم نہ حیا۔ کیسے بےشرم کپڑے پہنے ہوئے تھے۔" 

نرگس نے صفائی دی 

"وہ صرف کام کرنے کے لیے ایسے کپڑے پہنتی ہے۔"

ساس نے پھنکارا 

"دفع مار، ایسے کپڑوں پر۔ کیسے پائپ سیدھا ہمارے اوپر چھوڑ دیا، توبہ اس نے تو پورا نہلا ہی دیا مجھے تو سردی لگ رہی ہے۔" 

نرگس نے کھیس ڈھونڈ کر ان پر ڈال دیا اور لٹا دیا۔

اتنے میں سعد کمرے میں داخل ہوا تو دادی اس پر چلانے لگی 

"بےغیرت یہ کڑی چنی ہے تم ماں بیٹے نے انگریزنی۔ اس نے تو مجھے سارا گیلا ہی کر دیا ہے۔ مجھے ٹھنڈ لگوا دی ہے۔" 

سعد دادی کی ٹانگیں دبانے لگا تو سب مرد بھی اسی کمرے میں آ گئے سعد ڈائننگ روم سے کرسیاں لے آیا۔ سب وہاں بیٹھ گئے۔

عروبہ چائے کی ٹرالی لیے شلوار قمیض میں ملبوس سر پر دوپٹہ لیے اندر داخل ہوئی اور سلام کیا۔ نرگس کے سسر نے مسکرا کر اٹھ کر اس کے سر پر ہاتھ رکھ کر دعا دی۔ سعد کے باپ نے بھی وعلیکم السلام کہا پھر وہ نرگس کی ساس کے پاس جا کر کھڑی ہوئی اور سلام کیا مگر اس نے کوئی جواب نہ دیا۔ 

ہما پیچھے کھڑی سب کے تاثرات نوٹ کر رہی تھی۔ ہما نے کہا 

"عروبہ سب کو چائے بنا کر دو"

وہ بڑے اعتماد سے سب کو چائے بنا کر دیتی رہی۔ اور چیزیں پیش کرتی رہی دوپٹہ بار بار پھسل رہا تھا سعد اس کی ساتھ مدد کر رہا تھا۔ دادی نوٹ کر رہی تھی۔ وہ مسلسل عروبہ کے منہ کو تکتی جارہی تھی۔ ہما سب کے آگے بچھی جا رہی تھی۔ ساجد نرگس کے ساس سسر کو بہت پروٹوکول دے رہا تھا۔ عروبہ چائے سرو کر کے کمرے سے باہر چلی گئی تھی جبکہ ہما اور ساجد ان کے آگے بچھے جا رہے تھے۔ دادی موڈ بنا کر چاے پیتی رہی۔ چاے ختم ہوئی تو ہما اور ساجد بہانے سے باہر نکل گئے۔ عروبہ کمرے میں بیٹھی رو رہی تھی جبکہ نتاشا فاصلے پر کھڑی اسے تسلی دے رہی تھی کہ رو مت اللہُ تعالیٰ سے مدد مانگو وہی بات بنانے والا ہے۔ وہ دل میں نتاشا کی تسلی بھرے الفاظ سے سکون محسوس کر رہی تھی اور اس کے بتانے پر دل میں رب العزت سے خوب دعائیں مانگ رہی تھی۔ دل میں ڈر بھی رہی تھی نتاشا کی موجودگی اسے ڈھارس بندھا رہی تھی وہ خاموشی سے اس کی باتوں کے دوران روتے روتے اسے ایک نظر دیکھ لیتی تھی اس کا جی چاہ رہا تھا کہ وہ اس کے کندھے پر سر رکھ دے مگر اناء آڑے آ رہی تھی۔ وہ دل میں مصمم ارادہ کر چکی تھی کہ وہ اب نتاشا بن کر رہے گی، بس اس کی دادی کا دل پسیج جائے۔

سعد دادی کے قریب بیٹھا اور شرارت سے پوچھنے لگا 

"کیسی لگی پاکستانی انگریزنی۔" 

وہ جھٹ اس کی کمر پر دو کس کس کے تھپڑ مارتے ہوئے بولی 

"اے کڑی تجھے پسند ہے جو گاؤں میں نہیں رہ سکتی۔ ماں پیو اچھے ہیں بس اک اے کڑی نہیں جچی۔"

سعد نے صفائی دیتے ہوئے کہا 

"دادو وہ گاؤں رہ لے گی اس نے خود کہا ہے بےشک بلا کر پوچھ لیں۔"

سسر نے بیوی سے کہا 

"پلیے لوکی شہرن کڑی ہے پھر ہمارے پوتے کو پسند ہے، پڑھی لکھی ہے۔ پوتا بھی پڑھا لکھا ہے اب اس کے لیے شہری کڑی ہی لانی ہے نا۔ اس کے ساتھ گاؤں کی کڑی تو نہیں لگانی نا۔" 

نرگس کے شوہر نے بھی باپ کی باتوں میں ہاں میں ہاں ملائی مگر ساس حجت پیش کرتی رہی۔

جاری ہے۔ 

دعاگو راہٹر عابدہ زی شیریں

پلیز اسے لاہک، شہیر اور کمنٹ کرنا نہ بھولیں۔

جزاک اللہ